مدونة

…..وحشني ياإبن عمى….
ابكي ياعين…اشكى يادمع…
على ضحكه ضاعت مني…
على بسمه تاهت عني…
ابكي ياعين…اشكي يا دمع…
على أمس بقى ذكرى…
على اليوم اللى بقى حسره…
على بكره من نظرته المره…
ابكي ياعين…اشكي يا دمع…
على الولد.. إبن البلد…أجدع ولد
ابكي ياعين…اشكي يادمع…
خلاص يابلد… راح الولد…راح الولد
أبكي على قلبي…بالدمع حسران…
أبكي على عقلي… بالفكر مليان
خلاص يابلد …راح الولد …
راح الولد…ابكي يابلد…على أجدع ولد
متزعلوش مني…متنهروش قلمي…
والله غصب عني…والله غصب عني
وحشني ياإبن عمي…وحشنى ياإبن عمي
حاسس أن دمي…مبقاش دمي…
ولا قلبي حته مني.. حاسس أن عمري
ضاع مني … حاسس إن الفكر ضاق
عندي…وحشنى يا إبن عمي
…لا بقول ليه ولا ازاي…
أنا بأحمدك ياربى…أنا بأحمدك ياربي
لكن مرنا كان صعب والصعب عندنا…
قدرنا كان أمر وأمنا بربنا…….
صبرنا يارحمن…صبرنا يارحمن…
واهدينا بالقرآن…أهدينا بالقرآن….
وحشنى ياناجي…….

وحشنى ياإبن عمي

الشاعر عماد شكري حجازي / مصر