تخروضات …..
علاش تخروضات…..
كاع تخروضات ……….
وما بغات تصفا
يا اهل الحال لله خبروني
إمتى نار الشوق الكادية تضفا
يا اهل الجود والوفا
امتى غد تصفا؟
سقيتهم من اعماق اعماقي ترياق الشهد
نسفوني من جذور عروقي
وعطاوني بالقفا.
كلما زدت برواء المحبة الصافي ،
يزيدوني بالجفا
بغيت نعرف
غير شنو ذنبي في كل اللي جرالي.
يا علام الغيوب… !
ياعلام الغيوب… !
ومايسرج في الكون
وشلى ما حمل هد القلب وكتم و خفى
النار اللي في دواخلي كايدة وبالبسمة مغلفة،
قدتها لهم شمس شارقة
تبهج حياتهم بالفرح وما كفى.
بالله خبروني
بالله غير خبروني
شنو ذنبي مع اللي غطتو بالرضى والستر،
كواني بنار الهجران جحود…،والكلمة الناسفة
خبروني لله خبروني ياأهل الجود والوفاء
الرحى دايرة و دورتها سريعة وكاشفة
ودوامتي انا، إمتى غد تبت الوقفة
بركانها مكمد لهيبو
رواية و سالفة
ونارو الكادية العدوة
امتى تهمد
امتى تخمد
امتى تضفى…؟
خبروني لله خبروني
يااهل الجود والصفا
علاش اللي سقيتو بالوفا
اهجر وجفا ،واعطاني بالقفا……….!؟
لله اخبروني امتى تصفا؟
حتى صبري عيا مني
صبرت حتى فاض بالوفا
……….وما كفى……….!
يا اهل الجود والصفا…..
يا أهل الجود والوفا……….
لله خبروني، لله غير خبروني!
علاش اللي صفا ووفا
الحظ عن طريق تالفة،
والزمان زايدو بلقفة؟
خبروني لله خبروني
ياأهل الجود والوفا
امتى بالله عليكم ،امتى تصفا؟
غير خبروني لله خبروني……….
يا اهل الجود……….
يااهل الصفا والوفا……….
لله خبروني غير خبروني امتى تصفا!
الكاتبة أمال السقاط الضخامة/ المغرب
