غير شوفة منك تكفي
شوفة مسروقة من نافدة قلبك
سد كلشي
اناكنشوفك وحدي
البارح ضمتني امي
في غيابك
والموت رحمني
من قبري
واخا فتحت عيني
الدنيا خايبة تشوف
اللي كنت تدوي عليه
كلشي غاب في لحظة
غير شوفتك وصدر امي
بقاو واقفين
يشدوني
فهم شوية
الحياة كلها فرحة قلب
شوفتك الزينة
وخيال امي
غنبقى نافق
كل واحد فاهم
اللي غاب عليه
الطيحة هي كلشي
غاب عليه
عينيك
رحمة
ونعاسي على صدر امي رحمة
واخا تخليت عليه
حتى انا كنت بحال اللي
ما سولت فيه
ماخبرتو
حيت عارفة
من مينوش كلشي فات
ومنعول عليه
كنمشي وحدي
وعينيك حاسة بيهم
يسرقو الشوفة
وحاطة حملي عليك
دهشة المرض خايبة
كنت غنعول اللي
ماشبه ليا
وتصاحبو الناس معاه
وشكرا قالو ا ليه
شكرا زعما
هو صدر مينوش
ولا كان منين كنت
كنطلب كلشي منو
وهو حاسبني كنتخنث عليه
داز كلشي شوفة منك
قادة توصلني
و نعسة على مينوش
تغديني وتقويني
ومنها نتعلم
الصحة مرة عليا مرة على اخر
والاخر عمرني نفكر فيه
ليك نصلي
وليك
نضحك فوقاش ما طال سكاتي
نبتسم ليك
ولمينوش
حاضرة معايا
غير كنت بليدة
كانت معايا
حتى انا ظنيت راسي
فوق المرض
ورفضتو
حتى وصلت ليه
ايه يا دنيا
نعيشك كيف انت
ونصدق راسي ونتيق فيه
الشاعرة لحمر كلثوم / المغرب
