القلم تاه فالكتبة
فطريق الحق مقموع
حدك يا الحرف العتبة
لا توغل فالموضوع
زيد فالنباح …
كتب زمم عمم فالمحبة
ورصع من شكلك مشروع
دمم لوطى ومدح العݣبة
وخلي لينا الشمل مجموع
علي فتحياح …
وكسب بزينك الصحبة
و لايكون حد منك مخلوع
يا الحرف المزوق
سكت فالجراح…
ودوي من تحت الركبة
كون زهواني مولوع
بالاك من الصياح…
علاك تنجى من العطبة
وتبان فالصنادق مسموع
كثم لقراح …
ولو مخبلة كيف الشطبة
…باقي جارها جربوع
شطح فالمراح…
على حزان هاد الخربة
المهرس فيها مفدوع
زطم لبراح…
الفقيه عور الخطبة
من الدال فهم اللعبة
وخلي القاف مزروع
الزجال طارق أمغار/ المغرب
